qafas se chhuTne ki kab hawas hai
qafas se chhūTne kī kab havas hai
tasavvur bhī chaman kā ham ko bas hai
bajā.e raḳhna-e-dīvār-e-gulshan
hameñ sayyād ab chāk-e-qafas hai
fuġhāñ kartā hī rahtā hai ye din raat
ilāhī dil hai merā yā jaras hai
kaTeñge umr ke din kab ke be-yār
mujhe ik ik ghaḌī sau sau baras hai
hamārī daad ke ta.iiñ kaun pahuñche
na kui mūnis na kui fariyād-ras hai
galī meñ yaar kī ho jā.iye ḳhaak
mire dil meñ ye muddat se havas hai
safar duniyā se karnā kyā hai 'tābāñ'
adam hastī se rāh-e-yak-nafas hai
qafas se chhuTne ki kab hawas hai
tasawwur bhi chaman ka hum ko bas hai
bajae raKHna-e-diwar-e-gulshan
hamein sayyaad ab chaak-e-qafas hai
fughan karta hi rahta hai ye din raat
ilahi dil hai mera ya jaras hai
kaTenge umr ke din kab ke be-yar
mujhe ek ek ghaDi sau sau baras hai
hamari dad ke tain kaun pahunche
na kui munis na kui fariyaad-ras hai
gali mein yar ki ho jaiye KHak
mere dil mein ye muddat se hawas hai
safar duniya se karna kya hai 'taban'
adam hasti se rah-e-yak-nafas hai
- Deewan-e-Taban Rekhta Website)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
