qais wo natawan-e-sahra hai

qais vo nātavān-e-sahrā hai

kālbud nīstān-e-sahrā hai

ātish-e-ishq se hai siina garm

jalva-e-barq jān-e-sahrā hai

tere dīvāna ke liye zanjīr

mauj-e-rañg-e-ravāñ-e-sahrā hai

ġham meñ kis sho.ala-rū ke dūd-e-āh

ātish-e-dūdmān-e-sahrā hai

hai jo farhād da.avatī-e-koh

qais bhī mehmān-e-sahrā hai

haif paik apnā rah-ġhalat-karda

taaza chashm-e-ravān-e-sahrā hai

hai har ik harf chashm-e-ġhūl 'vaqār'

is ġhazal meñ bayān-e-sahrā hai

qais wo natawan-e-sahra hai

kalbud nistan-e-sahra hai

aatish-e-ishq se hai sina garm

jalwa-e-barq jaan-e-sahra hai

tere diwana ke liye zanjir

mauj-e-rang-e-rawan-e-sahra hai

gham mein kis shoala-ru ke dud-e-ah

aatish-e-dudman-e-sahra hai

hai jo farhad dawati-e-koh

qais bhi mehman-e-sahra hai

haif paik apna rah-ghalat-karda

taza chashm-e-rawan-e-sahra hai

hai har ek harf chashm-e-ghul 'waqar'

is ghazal mein bayan-e-sahra hai