qalam mein raushni kam aur dhuan ziyaada hai

qalam meñ raushnī kam aur dhuāñ ziyāda hai

ġhazal likhī to tabī.at ravāñ ziyāda hai

mujhe to ilm nahīñ tū koī hisāb lagā

kahāñ pe kam hai mohabbat kahāñ ziyāda hai

faqīr laḌkī huuñ mere liye mire ḳhāliq

jo sach kahūñ jo diyā tū ne haañ ziyāda hai

mire makān kā sahrā se kyā muvāzana hai

yahāñ pe shor ziyāda ziyāñ ziyāda hai

hamāre hisse hai jo bhī hameñ nahīñ ma.alūm

zamīñ ziyāda hai yā āsmāñ ziyāda hai

ab us kī vāpsī mumkin nahīñ kisī bhī tarah

yaqīn se kahīñ vo bad-gumāñ ziyāda hai

hamāre shahr meñ phūloñ kā zikr kaun kare

hamāre shahr meñ 'sādī' ḳhizāñ ziyāda hai

qalam mein raushni kam aur dhuan ziyaada hai

ghazal likhi to tabiat rawan ziyaada hai

mujhe to ilm nahin tu koi hisab laga

kahan pe kam hai mohabbat kahan ziyaada hai

faqir laDki hun mere liye mere KHaliq

jo sach kahun jo diya tu ne han ziyaada hai

mere makan ka sahra se kya muwazana hai

yahan pe shor ziyaada ziyan ziyaada hai

hamare hisse hai jo bhi hamein nahin malum

zamin ziyaada hai ya aasman ziyaada hai

ab us ki wapsi mumkin nahin kisi bhi tarah

yaqin se kahin wo bad-guman ziyaada hai

hamare shahr mein phulon ka zikr kaun kare

hamare shahr mein 'sadi' KHizan ziyaada hai