qalaq aa gaya iztirab aa gaya

qalaq aa gayā iztirāb aa gayā

ye dil kyā gayā ik azaab aa gayā

lifāfe meñ purze mire ḳhat ke haiñ

mire ḳhat kā āḳhir javāb aa gayā

idhar baḌhte baḌhte baḌhā dast-e-shauq

udhar aate aate hijāb aa gayā

kahā us ne dekhā jo dar par mujhe

kahāñ se ye ḳhāna-ḳharāb aa gayā

jabīñ pur-shikan hai nigah sho.ala-rez

ye kaun aaj zer-e-itāb aa gayā

sikandar nasībe kā hai vo faqīr

tire dar se jo kāmyāb aa gayā

ye aalam huā tābish-e-husn se

savā neze par āftāb aa gayā

hue hī the āmāda tauba pe ham

ki gardish meñ jām-e-sharāb aa gayā

huī qā.il-e-jalva-e-tūr ḳhalq

sar-e-bām vo be-naqāb aa gayā

ye kyā kam hai ai shaiḳh mai kā javāz

vo ka.abe se uTh kar sahāb aa gayā

uThā.e ga.e bazm se bul-havas

unheñ sheva-e-intiḳhāb aa gayā

adū saath rahne lage ai 'vafā'

gahan meñ mirā āftāb aa gayā

qalaq aa gaya iztirab aa gaya

ye dil kya gaya ek azab aa gaya

lifafe mein purze mere KHat ke hain

mere KHat ka aaKHir jawab aa gaya

idhar baDhte baDhte baDha dast-e-shauq

udhar aate aate hijab aa gaya

kaha us ne dekha jo dar par mujhe

kahan se ye KHana-KHarab aa gaya

jabin pur-shikan hai nigah shoala-rez

ye kaun aaj zer-e-itab aa gaya

sikandar nasibe ka hai wo faqir

tere dar se jo kaamyab aa gaya

ye aalam hua tabish-e-husn se

sawa neze par aaftab aa gaya

hue hi the aamada tauba pe hum

ki gardish mein jam-e-sharab aa gaya

hui qail-e-jalwa-e-tur KHalq

sar-e-baam wo be-naqab aa gaya

ye kya kam hai ai shaiKH mai ka jawaz

wo kabe se uTh kar sahab aa gaya

uThae gae bazm se bul-hawas

unhen shewa-e-intiKHab aa gaya

adu sath rahne lage ai 'wafa'

gahan mein mera aaftab aa gaya