qalb mein KHwahishen mudgham nahin karne wale

qalb meñ ḳhvāhisheñ mudġham nahīñ karne vaale

mā-sivā rab kahīñ sar ḳham nahīñ karne vaale

dil ke zaḳhmoñ meñ tujhe de ke jagah ham dil ko

vahshat-o-chain kā sañgam nahīñ karne vaale

tujh ko jaanā hai to jā puurī ijāzat hai tujhe

ham tire baad tirā ġham nahīñ karne vaale

dard ho laakh yā siine se lahū ristā ho

shabnamī aañkh kā mausam nahīñ karne vaale

ham anā-ḳhvār anā-dār anā vaale haiñ

ham mohabbat ko muqaddam nahīñ karne vaale

ai dil-e-'zoyā' tujhe marne kī jaldī hai to jā

ham tirī maut kā mātam nahīñ karne vaale

qalb mein KHwahishen mudgham nahin karne wale

ma-siwa rab kahin sar KHam nahin karne wale

dil ke zaKHmon mein tujhe de ke jagah hum dil ko

wahshat-o-chain ka sangam nahin karne wale

tujh ko jaana hai to ja puri ijazat hai tujhe

hum tere baad tera gham nahin karne wale

dard ho lakh ya sine se lahu rista ho

shabnami aankh ka mausam nahin karne wale

hum ana-KHwar ana-dar ana wale hain

hum mohabbat ko muqaddam nahin karne wale

ai dil-e-'zoya' tujhe marne ki jaldi hai to ja

hum teri maut ka matam nahin karne wale