qarar tujhko dil-e-be-qarar aa jae

qarār tujh ko dil-e-be-qarār aa jaa.e

taḌap kuchh aise ki zālim ko pyaar aa jaa.e

navāzishoñ pe agar husn-e-yār aa jaa.e

zabān-e-ḳhār ko nutq-e-hazār aa jaa.e

tulū-e-sub.h se raushan charāġh rakhte haiñ

kaTe bhī din vo shab-e-intizār aa jaa.e

tirā bhī ai ġham-e-daurāñ maiñ zor dekhūñgā

zarā sukūñ meñ dil-e-sogvār aa jaa.e

ġhazab kī dhuup hai ai dil na baiTh raste meñ

Thahar Thahar shajar-e-sāya-dār aa jaa.e

isī fareb ko husn-e-fareb kahte haiñ

vo jhuuT bol ki sach ko bhī pyaar aa jaa.e

nigār-ḳhāna-e-ahbāb se ġharaz mujh ko

kisī shumār meñ ye ḳhāksār aa jaa.e

ġhamoñ kī sharh se bazm-e-jahāñ meñ raunaq hai

bapā ho hashr agar iḳhtisār aa jaa.e

baḌī hasīn zamāne kī chaal hai lekin

fareb meñ dil-e-nā-puḳhta-kār aa jaa.e

'nazīr'-e-sub.h na phir vaqt-e-shām dekheñge

nazar meñ hāsil-e-lail-o-nahār aa jaa.e

qarar tujh ko dil-e-be-qarar aa jae

taDap kuchh aise ki zalim ko pyar aa jae

nawazishon pe agar husn-e-yar aa jae

zaban-e-KHar ko nutq-e-hazar aa jae

tulu-e-subh se raushan charagh rakhte hain

kaTe bhi din wo shab-e-intizar aa jae

tera bhi ai gham-e-dauran main zor dekhunga

zara sukun mein dil-e-sogwar aa jae

ghazab ki dhup hai ai dil na baiTh raste mein

Thahar Thahar shajar-e-saya-dar aa jae

isi fareb ko husn-e-fareb kahte hain

wo jhuT bol ki sach ko bhi pyar aa jae

nigar-KHana-e-ahbab se gharaz mujh ko

kisi shumar mein ye KHaksar aa jae

ghamon ki sharh se bazm-e-jahan mein raunaq hai

bapa ho hashr agar iKHtisar aa jae

baDi hasin zamane ki chaal hai lekin

fareb mein dil-e-na-puKHta-kar aa jae

'nazir'-e-subh na phir waqt-e-sham dekhenge

nazar mein hasil-e-lail-o-nahaar aa jae