qasd jab teri ziyarat ka kabhu karte hain
qasd jab terī ziyārat kā kabhū karte haiñ
chashm-e-pur-āb se ā.īne vazū karte haiñ
karte iz.hār haiñ dar-parda adāvat apnī
vo mire aage jo tārīf-e-adū karte haiñ
dil kā ye haal hai phaT jaa.e hai sau jaa.e se aur
agar ik jaa.e se ham us ko rafū karte haiñ
toḌeñ ik naale se is kāsa-e-gardūñ ko magar
nosh ham is meñ kabhū dil kā lahū karte haiñ
qad-e-dil-jū ko tumhāre nahīñ dekhā shāyad
sarkashī itnī jo sarv-e-lab-e-jū karte haiñ
qasd jab teri ziyarat ka kabhu karte hain
chashm-e-pur-ab se aaine wazu karte hain
karte izhaar hain dar-parda adawat apni
wo mere aage jo tarif-e-adu karte hain
dil ka ye haal hai phaT jae hai sau jae se aur
agar ek jae se hum us ko rafu karte hain
toDen ek nale se is kasa-e-gardun ko magar
nosh hum is mein kabhu dil ka lahu karte hain
qad-e-dil-ju ko tumhaare nahin dekha shayad
sarkashi itni jo sarw-e-lab-e-ju karte hain
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
