qata hota rahe is tarah bayan-e-waiz

qat.a hotā rahe is tarah bayān-e-vā.iz

ek hī baat meñ ho band zabān-e-vā.iz

turfa-āfat meñ phañsī aatī hai jān-e-vā.iz

kaun mai-ḳhāna meñ thā martaba-dān-e-vā.iz

kyuuñ na mīnā-e-mai-e-nāb paTak duuñ sar par

aish jab talḳh ho sun sun ke bayān-e-vā.iz

is tarah pand-o-nasīhat kī uThā.ī tamhīd

aaj saaqī pe huā mujh ko gumān-e-vā.iz

tezī-e-bāda kujā talḳhī-e-guftār kujā

kund hai nashtar-e-sāqī se sinān-e-vā.iz

fasl-e-gul aate hī mai-ḳhāna meñ ik bhiiḌ huī

na sunī ek bhī rindoñ ne fuġhān-e-vā.iz

phir dar-e-pīr-e-ḳharābāt pe baiThā hai 'habīb'

ye to aayā thā abhī sun ke bayān-e-vā.iz

qata hota rahe is tarah bayan-e-waiz

ek hi baat mein ho band zaban-e-waiz

turfa-afat mein phansi aati hai jaan-e-waiz

kaun mai-KHana mein tha martaba-dan-e-waiz

kyun na mina-e-mai-e-nab paTak dun sar par

aish jab talKH ho sun sun ke bayan-e-waiz

is tarah pand-o-nasihat ki uThai tamhid

aaj saqi pe hua mujh ko guman-e-waiz

tezi-e-baada kuja talKHi-e-guftar kuja

kund hai nashtar-e-saqi se sinan-e-waiz

fasl-e-gul aate hi mai-KHana mein ek bhiD hui

na suni ek bhi rindon ne fughan-e-waiz

phir dar-e-pir-e-KHarabaat pe baiTha hai 'habib'

ye to aaya tha abhi sun ke bayan-e-waiz