qatl mera hua makan se dur

qatl merā huā makāñ se duur

mehrbānoñ meñ mehrbāñ se duur

merā apnā safar hai lā-mahdūd

merī apnī pahuñch gumāñ se duur

mere apne vajūd kā sahrā

aag hī aag hai dhuāñ se duur

chīḳhte zaḳhm noch kar mujh ko

le chalo aur kuchh yahāñ se duur

band kamroñ meñ hai latīf maza

lazzatoñ kī khulī dukāñ se duur

ḳhushk mausam 'sabā' ko raas aa.e

sabz pattoñ ke āshiyāñ se duur

qatl mera hua makan se dur

mehrbanon mein mehrban se dur

mera apna safar hai la-mahdud

meri apni pahunch guman se dur

mere apne wajud ka sahra

aag hi aag hai dhuan se dur

chiKHte zaKHm noch kar mujh ko

le chalo aur kuchh yahan se dur

band kamron mein hai latif maza

lazzaton ki khuli dukan se dur

KHushk mausam 'saba' ko ras aae

sabz patton ke aashiyan se dur