qatre ko tum dariya kar do

qatre ko tum dariyā kar do

mujh ko apne jaisā kar do

dil meñ apnā pyaar jagā kar

kaash mohabbat vaalā kar do

mujh ko apnā kah kar sab se

mere pīchhe duniyā kar do

aisī āñdhī pyaar kī bhejo

dil kā gulshan sahrā kar do

tere sivā maiñ kuchh bhī na dekhūñ

aañkh pe aisā pardā kar do

dhaḌkan aa.heñ sab haiñ suunī

sāñsoñ ko bhī tanhā kar do

mahfil mahfil dekh chuke haiñ

jaan meñ aa kar jalva kar do

rukne lagī hai dil kī dhaḌkan

jī chāhe to achchhā kar do

apne 'ziyā' ke saath raho tum

mar jaa.e to zinda kar do

qatre ko tum dariya kar do

mujh ko apne jaisa kar do

dil mein apna pyar jaga kar

kash mohabbat wala kar do

mujh ko apna kah kar sab se

mere pichhe duniya kar do

aisi aandhi pyar ki bhejo

dil ka gulshan sahra kar do

tere siwa main kuchh bhi na dekhun

aankh pe aisa parda kar do

dhaDkan aahen sab hain suni

sanson ko bhi tanha kar do

mahfil mahfil dekh chuke hain

jaan mein aa kar jalwa kar do

rukne lagi hai dil ki dhaDkan

ji chahe to achchha kar do

apne 'ziya' ke sath raho tum

mar jae to zinda kar do