qaul us darogh-go ka koi bhi sach hua hai

qaul us daroġh-go kā koī bhī sach huā hai

vaa.iz jahān-bhar kā jhūTā labā.riyā hai

kā'be meñ jis hasīñ kā lagtā nahīñ patā hai

mil jaa.e but-kade meñ jo vo sanam ḳhudā hai

puujā na kar butoñ ko apnī hī kar parastish

ai but-parast putlā tū bhī to ḳhaak kā hai

rag rag meñ ye bañdhī hai gard-e-malāl-e-ḳhātir

vo said huuñ ki jis kā sab gosht kirkirā hai

'umr-e-ravāñ hai misl-e-mauj-e-ravāñ gurezāñ

bahr-e-jahāñ meñ insāñ paanī kā bulbulā hai

karne ko sar phuTavval jis koh ke darre meñ

jab maiñ pukārtā huuñ farhād boltā hai

vo but na raam hogā be-rab kisī ke chāhe

ai barhaman ḳhudā kā kyā koī dūsrā hai

dandāñ ke 'āshiqoñ ke aañsū haiñ dur nahīñ haiñ

niklī jo sītlā hai vo bhī to motiyā hai

gum-zār 'shād' gaahe imroz rā ba-fardā

mā'lūm ye kise hai kal kyā hai aaj kyā hai

qaul us darogh-go ka koi bhi sach hua hai

waiz jahan-bhar ka jhuTa labariya hai

ka'be mein jis hasin ka lagta nahin pata hai

mil jae but-kade mein jo wo sanam KHuda hai

puja na kar buton ko apni hi kar parastish

ai but-parast putla tu bhi to KHak ka hai

rag rag mein ye bandhi hai gard-e-malal-e-KHatir

wo said hun ki jis ka sab gosht kirkira hai

'umr-e-rawan hai misl-e-mauj-e-rawan gurezan

bahr-e-jahan mein insan pani ka bulbula hai

karne ko sar phuTawwal jis koh ke darre mein

jab main pukarta hun farhad bolta hai

wo but na ram hoga be-rab kisi ke chahe

ai barhaman KHuda ka kya koi dusra hai

dandan ke 'ashiqon ke aansu hain dur nahin hain

nikli jo sitla hai wo bhi to motiya hai

gum-zar 'shad' gahe imroz ra ba-farda

ma'lum ye kise hai kal kya hai aaj kya hai