qismat ki baat kar na muqaddar ki baat kar

qismat kī baat kar na muqaddar kī baat kar

husn-e-amal kī husn-e-tadabbur kī baat kar

kar apne ghar kī baat to auqāt apnī dekh

daarā kī baat kar na sikandar kī baat kar

kyā ġham jo māl-o-zar se nahīñ faizyāb tū

shikva na kar kisī se muqaddar kī baat kar

jo kuchh milā hai tujh ko muqaddar kī den hai

aql-o-hunar na husn-e-tadabbur kī baat kar

shā.ir hai agar sher kī qīmat na kar vasūl

apnā hunar na bech suḳhan-var kī baat kar

yaktā ho be-misāl ho lākhoñ meñ ek ho

aise hī kisī mard-e-dilāvar kī baat kar

kis maḳhmase meñ paḌ gayā 'āzam' tū āj-kal

vahm-o-gumāñ ko chhoḌ hunar-var kī baat kar

qismat ki baat kar na muqaddar ki baat kar

husn-e-amal ki husn-e-tadabbur ki baat kar

kar apne ghar ki baat to auqat apni dekh

dara ki baat kar na sikandar ki baat kar

kya gham jo mal-o-zar se nahin faizyab tu

shikwa na kar kisi se muqaddar ki baat kar

jo kuchh mila hai tujh ko muqaddar ki den hai

aql-o-hunar na husn-e-tadabbur ki baat kar

shair hai agar sher ki qimat na kar wasul

apna hunar na bech suKHan-war ki baat kar

yakta ho be-misal ho lakhon mein ek ho

aise hi kisi mard-e-dilawar ki baat kar

kis maKHmase mein paD gaya 'azam' tu aaj-kal

wahm-o-guman ko chhoD hunar-war ki baat kar