qissa-e-KHwab hun hasil nahin koi mera

qissa-e-ḳhvāb huuñ hāsil nahīñ koī merā

aisā maqtūl ki qātil nahīñ koī merā

hai bapā mujh meñ 'ajab ma.arka-e-sūd-o-ziyāñ

is laḌā.ī meñ muqābil nahīñ koī merā

bahtā jaatā huuñ maiñ gumnām jazīroñ kī taraf

vo samundar huuñ ki sāhil nahīñ koī merā

hai 'ajab baat ki dushman kā taraf-dār bhī hai

aisā lagtā hai ki ye dil nahīñ koī merā

roz detā hai mire sāmne auroñ kī misāl

aur kahtā hai mumāsil nahīñ koī merā

qissa-e-KHwab hun hasil nahin koi mera

aisa maqtul ki qatil nahin koi mera

hai bapa mujh mein 'ajab marka-e-sud-o-ziyan

is laDai mein muqabil nahin koi mera

bahta jata hun main gumnam jaziron ki taraf

wo samundar hun ki sahil nahin koi mera

hai 'ajab baat ki dushman ka taraf-dar bhi hai

aisa lagta hai ki ye dil nahin koi mera

roz deta hai mere samne auron ki misal

aur kahta hai mumasil nahin koi mera