qisse bachpan ke jo ek roz suhane nikle

qisse bachpan ke jo ik roz suhāne nikle

dushmanoñ meñ hī ka.ī dost purāne nikle

kar liyā tark-e-ta.alluq kā irāda to use

merī har baat meñ phir kitne bahāne nikle

sūkhtī kāsht pe ik roz jo barsā paanī

nanhe bachche sabhī gaañv ke nahāne nikle

qāfile yādoñ ke yak-laḳht dabe paañv se

merī āñkhoñ se mirī niiñd churāne nikle

sham.a ik samt jalī aur udhar parvāne

apne hī ḳhuun ke dariyā meñ nahāne nikle

ruḳh jo pazhmurda kisī shoḳh kā dekhā to lagā

kaise guzrī hai shab-e-ġham ye batāne nikle

'nazr' phir aayā hai ik rasm nibhāne kā din

saj sañvar ke sabhī rāvan ko jalāne nikle

qisse bachpan ke jo ek roz suhane nikle

dushmanon mein hi kai dost purane nikle

kar liya tark-e-talluq ka irada to use

meri har baat mein phir kitne bahane nikle

sukhti kasht pe ek roz jo barsa pani

nanhe bachche sabhi ganw ke nahane nikle

qafile yaadon ke yak-laKHt dabe panw se

meri aankhon se meri nind churane nikle

shama ek samt jali aur udhar parwane

apne hi KHun ke dariya mein nahane nikle

ruKH jo pazhmurda kisi shoKH ka dekha to laga

kaise guzri hai shab-e-gham ye batane nikle

'nazr' phir aaya hai ek rasm nibhane ka din

saj sanwar ke sabhi rawan ko jalane nikle