qurb-e-jaanan ka na mai-KHane ka mausam aaya
qurb-e-jānāñ kā na mai-ḳhāne kā mausam aayā
phir se be-sarfa ujaḌ jaane kā mausam aayā
kunj-e-ġhurbat maiñ kabhī gosha-e-zindāñ meñ the ham
jān-e-jāñ jab bhī tire aane kā mausam aayā
ab lahū rone kī ḳhvāhish na lahū hone kī
dil-e-zinda tire mar jaane kā mausam aayā
kūcha-e-yār se har fasl meñ guzre haiñ magar
shāyad ab jaañ se guzar jaane kā mausam aayā
koī zanjīr koī harf-e-ḳhirad le aayā
fasl-e-gul aa.ī ki dīvāne kā mausam aayā
sail-e-ḳhūñ shahr kī galiyoñ meñ dar aayā hai 'farāz'
aur tū ḳhush hai ki ghar jaane kā mausam aayā
qurb-e-jaanan ka na mai-KHane ka mausam aaya
phir se be-sarfa ujaD jaane ka mausam aaya
kunj-e-ghurbat main kabhi gosha-e-zindan mein the hum
jaan-e-jaan jab bhi tere aane ka mausam aaya
ab lahu rone ki KHwahish na lahu hone ki
dil-e-zinda tere mar jaane ka mausam aaya
kucha-e-yar se har fasl mein guzre hain magar
shayad ab jaan se guzar jaane ka mausam aaya
koi zanjir koi harf-e-KHirad le aaya
fasl-e-gul aai ki diwane ka mausam aaya
sail-e-KHun shahr ki galiyon mein dar aaya hai 'faraaz'
aur tu KHush hai ki ghar jaane ka mausam aaya
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
