rah-e-gum-karda sar-e-manzil bhaTak kar aa gaya
rāh-e-gum-karda sar-e-manzil bhaTak kar aa gayā
sub.h kā bhūlā thā lekin shaam ko ghar aa gayā
jaise us ko rok saknā apne bas meñ hī nahīñ
jab bhī chāhā be-ijāzat ghar ke andar aa gayā
bhaag kar jaa.eñ kahāñ ab tū hī kuchh tadbīr kar
sāmne apne samundar sar pe lashkar aa gayā
us ne koshish to bahut kī sar bachāne kī magar
jis taraf se thā nahīñ andesha patthar aa gayā
ham na kahte the ki 'farruḳh' aadmī achchhā nahīñ
dekh tujh ko bhī yaqīñ ab is se mil kar aa gayā
rah-e-gum-karda sar-e-manzil bhaTak kar aa gaya
subh ka bhula tha lekin sham ko ghar aa gaya
jaise us ko rok sakna apne bas mein hi nahin
jab bhi chaha be-ijazat ghar ke andar aa gaya
bhag kar jaen kahan ab tu hi kuchh tadbir kar
samne apne samundar sar pe lashkar aa gaya
us ne koshish to bahut ki sar bachane ki magar
jis taraf se tha nahin andesha patthar aa gaya
hum na kahte the ki 'farruKH' aadmi achchha nahin
dekh tujh ko bhi yaqin ab is se mil kar aa gaya
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
