rah-e-ishq mein itne to bedar the hum

rāh-e-ishq meñ itne to bedār the ham

hijr aa.egā pahle hī tayyār the ham

shahr base the mīloñ tak us kī jānib

ek musalsal jangal thā jis paar the ham

ham pe rañg-o-roġhan kyā tasvīreñ kyā

ghar ke pichhle hisse kī dīvār the ham

shaam se koī bhiiḌ utartī jaatī thī

ik kamre ke andar bhī bāzār the ham

ek kahānī ḳhud hī ham se aa lipTī

kyā ma.alūm ki kab is ke kirdār the

aaj hamāre mātam meñ ye charchā thā

ik muddat se tanhā the bīmār the ham

kyā ab ishq meñ vaisī vahshat mumkin hai

jaise pāgal ishq meñ pahlī baar the ham

rah-e-ishq mein itne to bedar the hum

hijr aaega pahle hi tayyar the hum

shahr base the milon tak us ki jaanib

ek musalsal jangal tha jis par the hum

hum pe rang-o-roghan kya taswiren kya

ghar ke pichhle hisse ki diwar the hum

sham se koi bhiD utarti jati thi

ek kamre ke andar bhi bazar the hum

ek kahani KHud hi hum se aa lipTi

kya malum ki kab is ke kirdar the

aaj hamare matam mein ye charcha tha

ek muddat se tanha the bimar the hum

kya ab ishq mein waisi wahshat mumkin hai

jaise pagal ishq mein pahli bar the hum