rah-o-rasm-e-KHat-kitabat hi sahi

rāh-o-rasm-e-ḳhat-kitābat hī sahī

gul nahīñ to gul kī nik.hat hī sahī

dil-lagī kā koī sāmāñ chāhiye

qaht-e-ma.anī ho to sūrat hī sahī

be-dimāġhī banda-parvar is qadar

aap kī sab par hukūmat hī sahī

dostī kā maiñ ne kab da.avā kiyā

duur kī sāhab salāmat hī sahī

bas-ki zikr-ul-aish nisf-ul-aish hai

yād-e-ayyām-e-farāġhat hī sahī

vaqt milne kā muayyan kījiye

ḳhvāh fardā-e-qayāmat hī sahī

husn-e-sūrat kā na khā aslan fareb

kilk-e-san.at-gar kī san.at hī sahī

kuchh na karnā bhī magar ik kaam hai

gar nahīñ sohbat to uzlat hī sahī

rah-o-rasm-e-KHat-kitabat hi sahi

gul nahin to gul ki nikhat hi sahi

dil-lagi ka koi saman chahiye

qaht-e-mani ho to surat hi sahi

be-dimaghi banda-parwar is qadar

aap ki sab par hukumat hi sahi

dosti ka main ne kab dawa kiya

dur ki sahab salamat hi sahi

bas-ki zikr-ul-aish nisf-ul-aish hai

yaad-e-ayyam-e-faraghat hi sahi

waqt milne ka muayyan kijiye

KHwah farda-e-qayamat hi sahi

husn-e-surat ka na kha aslan fareb

kilk-e-sanat-gar ki sanat hi sahi

kuchh na karna bhi magar ek kaam hai

gar nahin sohbat to uzlat hi sahi