rah thi dushwar hum jab bhi chale

raah thī dushvār ham jab bhī chale

itnā aage tak ga.e chhāle paḌe

she'r maiñ kahtā hī rahtā huuñ magar

'umda vo hotā hai jis meñ tū dikhe

ruk gayā thā maiñ tirī āvāz par

dekh mujh se yuuñ na kar shikve gile

itnī ḳhvāhish hī bahut hai yaar sun

bhiik ulfat kī kabhī to de mujhe

sirf bosa hī nahīñ darkār ab

yaar ḳhvāhish hai gale tū aa lage

ye tamanna hai mujhe ik 'umr se

haath thāme saath phir vo chal paḌe

mahfileñ sajtī haiñ us ke naam par

aur ye bas yuuñ ki merā dil dukhe

ye ḳhushī kī intihā ho jā.egī

qurb terā gar kisī ko aa mile

maiñ ki 'ābir' sah gayā ranj-o-alam

rang phir kyoñ mere chehre ke uḌe

rah thi dushwar hum jab bhi chale

itna aage tak gae chhaale paDe

she'r main kahta hi rahta hun magar

'umda wo hota hai jis mein tu dikhe

ruk gaya tha main teri aawaz par

dekh mujh se yun na kar shikwe gile

itni KHwahish hi bahut hai yar sun

bhik ulfat ki kabhi to de mujhe

sirf bosa hi nahin darkar ab

yar KHwahish hai gale tu aa lage

ye tamanna hai mujhe ek 'umr se

hath thame sath phir wo chal paDe

mahfilen sajti hain us ke nam par

aur ye bas yun ki mera dil dukhe

ye KHushi ki intiha ho jaegi

qurb tera gar kisi ko aa mile

main ki 'abir' sah gaya ranj-o-alam

rang phir kyon mere chehre ke uDe