rāste se ga.e haTā.e ham
phir bhī manzil ke paas aa.e ham
the haqīqat nazar na aa.e ham
jab hue ḳhvāb jagmagā.e ham
go chale the, pahuñch na paa.e ham
ham vahīñ haiñ jahāñ se aa.e ham
apnā bādal talāshne ke liye
umar bhar dhuup meñ nahā.e ham
manzileñ un kī har safar un kā
rāste the bane-banā.e ham
shor din kā pilā gayā chuppī
niiñd aa.ī to baḌbaḌā.e ham
terī galiyoñ ko ghar kiyā jab se
zindagī ke qarīb aa.e ham
saath le kar makān kyā chalte
ghar ko phir ghar hī chhoḌ aa.e ham
tujh pe ġhussa the isli.e jānāñ
be-sabab ḳhud pe tamtamā.e ham
jab se ham ban ga.e tirī āñkheñ
dekh le roz DabDbā.e ham
dard kī aañch ġham kī bhaTTī thī
phir sarāpā ga.e pakā.e ham
raste se gae haTae hum
phir bhi manzil ke pas aae hum
the haqiqat nazar na aae hum
jab hue KHwab jagmagae hum
go chale the, pahunch na pae hum
hum wahin hain jahan se aae hum
apna baadal talashne ke liye
umar bhar dhup mein nahae hum
manzilen un ki har safar un ka
raste the bane-banae hum
shor din ka pila gaya chuppi
nind aai to baDbaDae hum
teri galiyon ko ghar kiya jab se
zindagi ke qarib aae hum
sath le kar makan kya chalte
ghar ko phir ghar hi chhoD aae hum
tujh pe ghussa the islie jaanan
be-sabab KHud pe tamtamae hum
jab se hum ban gae teri aankhen
dekh le roz DabDbae hum
dard ki aanch gham ki bhaTTi thi
phir sarapa gae pakae hum
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.