raat bhar furqat ke sae dil ko dahlate rahe

raat bhar furqat ke saa.e dil ko dahlāte rahe

zehn meñ kyā kyā ḳhayāl aate rahe jaate rahe

saiñkaḌoñ dilkash bahāreñ thiiñ hamārī muntazir

ham tirī ḳhvāhish meñ lekin Thokareñ khāte rahe

umr bhar dekhā na apne chāk-e-dāman kī taraf

bas tirī uljhī huī zulfoñ ko suljhāte rahe

jin kī ḳhātir pī ga.e rusvā.iyoñ kā zahr bhī

vo bharī mahfil meñ ham par tanz farmāte rahe

terī ḳhātir ishq meñ barbād honā thā hue

ham na maane log ham ko laakh samjhāte rahe

raat bhar furqat ke sae dil ko dahlate rahe

zehn mein kya kya KHayal aate rahe jate rahe

sainkaDon dilkash bahaaren thin hamari muntazir

hum teri KHwahish mein lekin Thokaren khate rahe

umr bhar dekha na apne chaak-e-daman ki taraf

bas teri uljhi hui zulfon ko suljhate rahe

jin ki KHatir pi gae ruswaiyon ka zahr bhi

wo bhari mahfil mein hum par tanz farmate rahe

teri KHatir ishq mein barbaad hona tha hue

hum na mane log hum ko lakh samjhate rahe