raat bhi hai kuchh suni suni din bhi kuchh viran sa hai

raat bhī hai kuchh suunī suunī din bhī kuchh vīrān sā hai

phuul bhī haiñ kuchh sahme sahme baaġh bhī kuchh hairān sā hai

qarya qarya auj pe sar haiñ nok-e-sināñ sarsabz sī hai

ḳhanjar jhamkeñ la.al se goyā gardan par ehsān sā hai

daa.eñ baa.eñ aage pīchhe patthar kī dīvāreñ haiñ

kis se kahiye aur kyā kahiye jo bhī kahe nādān sā hai

din se jo bhī raat milī hai girya kī dīvār sī hai

raat se jo bhī din paayā hai nuuh kā ik tūfān sā hai

jis ko dekho aisā qātil chullū se jo ḳhuun piye

jis ko dekho aisā saada jaise bas anjān sā hai

leTe baiThe chupke chupke chāTte rahnā zaḳhmoñ ko

rañj kā kuchh iz.hār nahīñ hai lutf kā ye sāmān sā hai

bastī bastī aag lage aur galiyoñ galiyoñ ḳhuun bahe

qudrat kā ye khel nahīñ hai qudrat kā farmān sā hai

raat bhi hai kuchh suni suni din bhi kuchh viran sa hai

phul bhi hain kuchh sahme sahme bagh bhi kuchh hairan sa hai

qarya qarya auj pe sar hain nok-e-sinan sarsabz si hai

KHanjar jhamken lal se goya gardan par ehsan sa hai

daen baen aage pichhe patthar ki diwaren hain

kis se kahiye aur kya kahiye jo bhi kahe nadan sa hai

din se jo bhi raat mili hai girya ki diwar si hai

raat se jo bhi din paya hai nuh ka ek tufan sa hai

jis ko dekho aisa qatil chullu se jo KHun piye

jis ko dekho aisa sada jaise bas anjaan sa hai

leTe baiThe chupke chupke chaTte rahna zaKHmon ko

ranj ka kuchh izhaar nahin hai lutf ka ye saman sa hai

basti basti aag lage aur galiyon galiyon KHun bahe

qudrat ka ye khel nahin hai qudrat ka farman sa hai