raat damakti hai rah rah kar maddham si
raat damaktī hai rah rah kar maddham sī
khule hue sahrā ke haath pe nīlam sī
apnī jagah sāhil sā Thahrā ġham terā
dil ke dariyā meñ ik halchal paiham sī
lambī raat guzar jaa.e ta.abīroñ meñ
us kā paikar ek kahānī mub.ham sī
apnī lagāvaT ko vo chhupānā jāntā hai
aag itnī hai aur ThanDak hai shabnam sī
mere paas se uTh kar vo us kā jaanā
saarī kaifiyyat hai guzarte mausam sī
shāyad ab bhī koī sharar baaqī ho 'zeb'
dil kī raakh se aañch aatī hai kam kam sī
raat damakti hai rah rah kar maddham si
khule hue sahra ke hath pe nilam si
apni jagah sahil sa Thahra gham tera
dil ke dariya mein ek halchal paiham si
lambi raat guzar jae tabiron mein
us ka paikar ek kahani mubham si
apni lagawaT ko wo chhupana jaanta hai
aag itni hai aur ThanDak hai shabnam si
mere pas se uTh kar wo us ka jaana
sari kaifiyyat hai guzarte mausam si
shayad ab bhi koi sharar baqi ho 'zeb'
dil ki rakh se aanch aati hai kam kam si
- Book : Dheemi Aanch ka Sitaara (Pg. 30)
- Author :Zeb Ghauri
- Publication : Rekhta Publications (2023)
- Edition : First
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
