raat ka har ek manzar ranjishon se bojhal tha
raat ka har ek manzar ranjishon se bojhal tha
Ghulam Mohammad Qasir
MORE BYGhulam Mohammad Qasir
raat kā har ik manzar ranjishoñ se bojhal thā
chāñd bhī adhūrā thā maiñ bhī nā-mukammal thā
aañkh kī muñDeroñ par aarzū nahīñ larzī
ik charāġh kī lau se ik charāġh ojhal thā
jā milā tire dar ke gum-shuda zamānoñ meñ
merī umr kā hāsil pyaar kā jo ik pal thā
kyuuñ sulagtī āvāzeñ bhiig bhiig jaatī thiiñ
dasht-e-nā-rasā.ī meñ dhuup thī na bādal thā
duur to na thā itnā ḳhema us ke ḳhvāboñ kā
rāste meñ apnī hī ḳhvāhishoñ kā jañgal thā
raat ka har ek manzar ranjishon se bojhal tha
chand bhi adhura tha main bhi na-mukammal tha
aankh ki munDeron par aarzu nahin larzi
ek charagh ki lau se ek charagh ojhal tha
ja mila tere dar ke gum-shuda zamanon mein
meri umr ka hasil pyar ka jo ek pal tha
kyun sulagti aawazen bhig bhig jati thin
dasht-e-na-rasai mein dhup thi na baadal tha
dur to na tha itna KHema us ke KHwabon ka
raste mein apni hi KHwahishon ka jangal tha
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
