raat ke KHwab sunaen kis ko raat ke KHwab suhane the

raat ke ḳhvāb sunā.eñ kis ko raat ke ḳhvāb suhāne the

dhuñdle dhuñdle chehre the par sab jāne-pahchāne the

ziddī vahshī allhaḌ chanchal mīThe log rasīle log

hoñT un ke ġhazloñ ke misre āñkhoñ meñ afsāne the

vahshat kā unvān hamārī un meñ se jo naar banī

dekheñge to log kaheñge 'inshā'-jī dīvāne the

ye laḌkī to in galiyoñ meñ roz hī ghūmā kartī thī

is se un ko milnā thā to is ke laakh bahāne the

ham ko saarī raat jagāyā jalte bujhte tāroñ ne

ham kyuuñ un ke dar par utre kitne aur Thikāne the

raat ke KHwab sunaen kis ko raat ke KHwab suhane the

dhundle dhundle chehre the par sab jaane-pahchane the

ziddi wahshi allhaD chanchal miThe log rasile log

honT un ke ghazlon ke misre aankhon mein afsane the

wahshat ka unwan hamari un mein se jo nar bani

dekhenge to log kahenge 'insha'-ji diwane the

ye laDki to in galiyon mein roz hi ghuma karti thi

is se un ko milna tha to is ke lakh bahane the

hum ko sari raat jagaya jalte bujhte taron ne

hum kyun un ke dar par utre kitne aur Thikane the