raat lambi thi sitara mera tajil mein tha
raat lambī thī sitāra mirā tājīl meñ thā
jis ko jalnā nahīñ aayā vahī qindīl meñ thā
ik jahāñ aur pas-e-kār-e-jahāñ thā baaqī
ik badan aur mire ishq kī takmīl meñ thā
phir siyāhī ne sameTā mirā sāmān aa kar
kul asāsa mirā ik shaam kī zambīl meñ thā
ek larza thā sitāroñ ke badan par taarī
maiñ to Duubā huā ik husn kī tafsīl meñ thā
ab to har chehra use zard dikhā.ī degā
der tak ā.īna bīmār kī tahvīl meñ thā
jo milā vo baḌī ujlat meñ milā thā mujh se
aur maiñ goyā hamesha se hī tātīl meñ thā
raat lambi thi sitara mera tajil mein tha
jis ko jalna nahin aaya wahi qindil mein tha
ek jahan aur pas-e-kar-e-jahan tha baqi
ek badan aur mere ishq ki takmil mein tha
phir siyahi ne sameTa mera saman aa kar
kul asasa mera ek sham ki zambil mein tha
ek larza tha sitaron ke badan par tari
main to Duba hua ek husn ki tafsil mein tha
ab to har chehra use zard dikhai dega
der tak aaina bimar ki tahwil mein tha
jo mila wo baDi ujlat mein mila tha mujh se
aur main goya hamesha se hi tatil mein tha
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
