raat nadida balaon ke asar mein hum the

raat nādīda balāoñ ke asar meñ ham the

ḳhauf se sahme hue sog-nagar meñ ham the

paañv se lipTī huī chīzoñ kī zanjīreñ thiiñ

aur mujrim kī tarah apne hī ghar meñ ham the

vo kisī raat idhar se bhī guzar jā.egā

ḳhvāb meñ rāhguzar rāhguzar meñ ham the

ek lamhe ke jazīre meñ qayām aisā thā

jaise anjāne zamānoñ ke safar meñ ham the

Duub jaane kā salīqa nahīñ aayā varna

dil meñ girdāb the lahroñ kī nazar meñ ham the

raat nadida balaon ke asar mein hum the

KHauf se sahme hue sog-nagar mein hum the

panw se lipTi hui chizon ki zanjiren thin

aur mujrim ki tarah apne hi ghar mein hum the

wo kisi raat idhar se bhi guzar jaega

KHwab mein rahguzar rahguzar mein hum the

ek lamhe ke jazire mein qayam aisa tha

jaise anjaane zamanon ke safar mein hum the

Dub jaane ka saliqa nahin aaya warna

dil mein girdab the lahron ki nazar mein hum the