raat phir KHwab mein aane ka irada kar ke

raat phir ḳhvāb meñ aane kā irāda kar ke

chāñd Dubā hai abhī mahv-e-nazāra kar ke

tishnagī had se guzar jā.egī sāhil ke qarīb

fā.eda kyā hai samundar kā taqāzā kar ke

hairatī huuñ abhī TuuTā hai bharam ulfat kā

de gayā maat vo phir mujh ko bahānā kar ke

kartā rahtā thā mazāhan vo bahut sī bāteñ

ab raqam karte rahe us ko fasāna kar ke

maat chhal shah to faqat khel hai ik is ke liye

rakh diyā merī mohabbat ko tamāsha kar ke

chhoḌ jaane ko vo kahtā thā pa ma.alūm na thā

yuuñ chalā jā.egā dam-bhar meñ parāyā kar ke

āḳhir 'asrā' tirī fitrat meñ ye ujlat kyuuñ hai

dekh le rañj abhī aur gavārā kar ke

raat phir KHwab mein aane ka irada kar ke

chand Duba hai abhi mahw-e-nazara kar ke

tishnagi had se guzar jaegi sahil ke qarib

faeda kya hai samundar ka taqaza kar ke

hairati hun abhi TuTa hai bharam ulfat ka

de gaya mat wo phir mujh ko bahana kar ke

karta rahta tha mazahan wo bahut si baaten

ab raqam karte rahe us ko fasana kar ke

mat chhal shah to faqat khel hai ek is ke liye

rakh diya meri mohabbat ko tamasha kar ke

chhoD jaane ko wo kahta tha pa malum na tha

yun chala jaega dam-bhar mein paraya kar ke

aaKHir 'asra' teri fitrat mein ye ujlat kyun hai

dekh le ranj abhi aur gawara kar ke