aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

bagule uTh chale the aur na thi kuchh der aandhi mein

Nazeer Akbarabadi

bagule uTh chale the aur na thi kuchh der aandhi mein

Nazeer Akbarabadi

MORE BYNazeer Akbarabadi

    bagūle uTh chale the aur na thī kuchh der āñdhī meñ

    ki ham se yaar se aa ho ga.ī muDbheḌ āñdhī meñ

    jatā kar ḳhaak uḌnā dikhā kar gard chakkar

    vahīñ ham le chale us gul-badan ko gher āñdhī meñ

    raqīboñ ne jo dekhā ye uḌā kar le chalā us ko

    pukāre haa.e ye kaisā huā andher āñdhī meñ

    vo dauḌe to bahut lekin unheñ āñdhī meñ kyā sūjhe

    zi-bas ham us parī ko laa.e ghar meñ gher āñdhī meñ

    chaḌhā koThe pe darvāze ko muuñd aur khol kar parde

    lagā chhātī liye bose kyā hat pher āñdhī meñ

    vo koThe makāñ vo kaalī āñdhī vo sanam gul-rū

    ajab rangoñ Thahrī aa ke herā-pher āñdhī meñ

    uThā kar taaq se shīsha lagā chhātī se dilbar ko

    nashoñ meñ aish ke kyā kyā kiyā dil sair āñdhī meñ

    kabhī bosa kabhī añgiyā pe haath aur gaah siine par

    lage luTne maze ke sañgtare aur bair āñdhī meñ

    maze aish o tarab lazzat lage yuuñ TuuT kar girne

    ki jaise TuuT kar mevoñ ke hoveñ Dher āñdhī meñ

    raqīboñ maiñ ab ḳhvārī ḳharābī kyā likhūñ baare

    bharī nathnoñ meñ un ke ḳhaak das das ser āñdhī meñ

    kisī uḌ ga.ī pagḌī kisī phaT gayā dāman

    ga.ī Dhaal aur kisī gir paḌī shamshīr āñdhī meñ

    'nazīr' āñdhī meñ kahte haiñ ki aksar dev hote haiñ

    miyāñ ham ko to le jaatī haiñ pariyāñ gher āñdhī meñ

    bagule uTh chale the aur na thi kuchh der aandhi mein

    ki hum se yar se aa ho gai muDbheD aandhi mein

    jata kar KHak ka uDna dikha kar gard ka chakkar

    wahin hum le chale us gul-badan ko gher aandhi mein

    raqibon ne jo dekha ye uDa kar le chala us ko

    pukare hae ye kaisa hua andher aandhi mein

    wo dauDe to bahut lekin unhen aandhi mein kya sujhe

    zi-bas hum us pari ko lae ghar mein gher aandhi mein

    chaDha koThe pe darwaze ko mund aur khol kar parde

    laga chhati liye bose kya hat pher aandhi mein

    wo koThe ka makan wo kali aandhi wo sanam gul-ru

    ajab rangon ki Thahri aa ke hera-pher aandhi mein

    uTha kar taq se shisha laga chhati se dilbar ko

    nashon mein aish ke kya kya kiya dil sair aandhi mein

    kabhi bosa kabhi angiya pe hath aur gah sine par

    lage luTne maze ke sangtare aur bair aandhi mein

    maze aish o tarab lazzat lage yun TuT kar girne

    ki jaise TuT kar mewon ke howen Dher aandhi mein

    raqibon ki main ab KHwari KHarabi kya likhun bare

    bhari nathnon mein un ke KHak das das ser aandhi mein

    kisi ki uD gai pagDi kisi ka phaT gaya daman

    gai Dhaal aur kisi ki gir paDi shamshir aandhi mein

    'nazir' aandhi mein kahte hain ki aksar dew hote hain

    miyan hum ko to le jati hain pariyan gher aandhi mein

    Source:

    Kulliyat-e-Nazeer (Pg. 116(ebook-229))

    • Author: Nazeer Akbarabadi
      • Publisher: Munshi Nawal Kishor, Lucknow
      • Year of Publication: 1951

    Tagged Under

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now