aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

tu hi anis-e-gham raha nala-e-gham-gusar-e-shab

Pandit Jawahar Nath Saqi

tu hi anis-e-gham raha nala-e-gham-gusar-e-shab

Pandit Jawahar Nath Saqi

MORE BYPandit Jawahar Nath Saqi

    anīs-e-ġham rahā nāla-e-ġham-gusār-e-shab

    yās-pasand jab huā bismil-e-intizār-e-shab

    rañg-e-shikast kyuuñ na ho hāl-e-umīd-vār-e-shab

    to ishva-gar huā bā.is-e-intishār-e-shab

    shauq-e-liqā-e-rū-e-yār chashm-ba-rāh-e-intizār

    āh-e-sahar se milā dīda-e-ashk-bār-e-shab

    dard-e-shakeb-soz hai karb vahī hanūz hai

    dekh na ho vo bevafā aaj kahīñ nisār-e-shab

    lail-o-nahār sāzgār apne kabhī nahīñ hue

    dekhte kaash ai nigār va.ada-e-ustuvār-e-shab

    bahr-e-ḳhudā kabhī to kar shaad shahīd-e-shauq ko

    roz-e-sa.īd hai vahī yaar jo ho yār-e-shab

    vaqfa-e-umr ek dam haif hai vo bhī sarf-e-ġham

    kis ko hai e'timād-e-roz kis ko hai e'tibār-e-shab

    din ko ḳhayāl vasl raat ko dard-e-hijr hai

    shaġhl vo roz huā aur ye kārobār-e-shab

    ye shab-e-māhtāb hai saaf hameñ javāb hai

    māh-laqā haiñ muntazir mil ke dikhā bahār-e-shab

    hasrat-e-ishtiyāq ne aaj kiyā shahīd-e-hijr

    mere dil-nigār dekh to le mazār-e-shab

    bāb-e-qubūl-e-mudda.ā dā.ī-e-ḳhair hai tirā

    ho dil-e-shab meñ nāla-kash ai dil-e-be-qarār-e-shab

    ab nahīñ vaqf-e-intizār raat ko mil gayā nigār

    merā karīm-e-kār-sāz ho gayā pardār-e-shab

    dam-kash-e-aish-o-ḳhurramī thā ye firāq-e-sonā-soz

    daur-e-nashāt ho gayā shukr hai ham-kanār-e-shab

    ba.ad-e-firāq rañg-e-vasl hotā hai ain imbisāt

    merā vo rāhat-e-ravāñ dil se huā do-chār-e-shab

    is shi.ār kyuuñ na ho pās-e-hijāb-e-āshiqāñ

    shab hai hamārī rāzdāñ ham jo haiñ rāzdār-e-shab

    chhup na sakā hijāb meñ ishva-e-husn-e-ḳhud-numa

    aayā jo maah oḌh kar chādar-e-zar-nigār-e-shab

    jaam sharāb-e-shauq detā hai shoḳh māh-rū

    mast-e-surūr kyuuñ na hoñ 'sāqī' mai-gusār-e-shab

    tu hi anis-e-gham raha nala-e-gham-gusar-e-shab

    yas-pasand jab hua bismil-e-intizar-e-shab

    rang-e-shikast kyun na ho haal-e-umid-war-e-shab

    tu hi to ishwa-gar hua bais-e-intishaar-e-shab

    shauq-e-liqa-e-ru-e-yar chashm-ba-rah-e-intizar

    aah-e-sahar se ja mila dida-e-ashk-bar-e-shab

    dard-e-shakeb-soz hai karb wahi hanuz hai

    dekh na ho wo bewafa aaj kahin nisar-e-shab

    lail-o-nahaar sazgar apne kabhi nahin hue

    dekhte kash ai nigar wada-e-ustuwar-e-shab

    bahr-e-KHuda kabhi to kar shad shahid-e-shauq ko

    roz-e-said hai wahi yar jo tu ho yar-e-shab

    waqfa-e-umr ek dam haif hai wo bhi sarf-e-gham

    kis ko hai e'timad-e-roz kis ko hai e'tibar-e-shab

    din ko KHayal wasl ka raat ko dard-e-hijr hai

    shaghl wo roz ka hua aur ye karobar-e-shab

    ye shab-e-mahtab hai saf hamein jawab hai

    mah-laqa hain muntazir mil ke dikha bahaar-e-shab

    hasrat-e-ishtiyaq ne aaj kiya shahid-e-hijr

    mere dil-nigar ka dekh to le mazar-e-shab

    bab-e-qubul-e-muddaa dai-e-KHair hai tera

    ho dil-e-shab mein nala-kash ai dil-e-be-qarar-e-shab

    ab nahin waqf-e-intizar raat ko mil gaya nigar

    mera karim-e-kar-saz ho gaya pardar-e-shab

    dam-kash-e-aish-o-KHurrami tha ye firaq-e-sona-soz

    daur-e-nashat ho gaya shukr hai ham-kanar-e-shab

    baad-e-firaq rang-e-wasl hota hai ain imbisat

    mera wo rahat-e-rawan dil se hua do-chaar-e-shab

    is ka shiar kyun na ho pas-e-hijab-e-ashiqan

    shab hai hamari raazdan hum jo hain raazdar-e-shab

    chhup na saka hijab mein ishwa-e-husn-e-KHud-numa

    aaya jo mah oDh kar chadar-e-zar-nigar-e-shab

    jam sharab-e-shauq ka deta hai shoKH mah-ru

    mast-e-surur kyun na hon 'saqi' mai-gusar-e-shab

    Source:

    Kulliyat-e-Saaqi (Pg. e-59 p-56)

    • Author: Pandit Jawahar Nath Saqi
      • Edition: 1926
      • Publisher: Pandit Jawahar Nath Saqi
      • Year of Publication: 1926

    Tagged Under

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now