tu ne dekha hai kabhi ek nazar sham ke baad
tū ne dekhā hai kabhī ek nazar shaam ke ba.ad
kitne chup-chāp se lagte haiñ shajar shaam ke ba.ad
itne chup-chāp ki raste bhī raheñge lā-ilm
chhoḌ jā.eñge kisī roz nagar shaam ke ba.ad
maiñ ne aise hī gunah terī judā.ī meñ kiye
jaise tūfāñ meñ koī chhoḌ de ghar shaam ke ba.ad
shaam se pahle vo mast apnī uḌānoñ meñ rahā
jis ke hāthoñ meñ the TuuTe hue par shaam ke ba.ad
raat biitī to gine aable aur phir sochā
kaun thā bā.is-e-āġhāz-e-safar shaam ke ba.ad
tū hai sūraj tujhe ma.alūm kahāñ raat kā dukh
tū kisī roz mire ghar meñ utar shaam ke ba.ad
lauT aa.e na kisī roz vo āvāra-mizāj
khol rakhte haiñ isī aas pe dar shaam ke ba.ad
tu ne dekha hai kabhi ek nazar sham ke baad
kitne chup-chap se lagte hain shajar sham ke baad
itne chup-chap ki raste bhi rahenge la-ilm
chhoD jaenge kisi roz nagar sham ke baad
main ne aise hi gunah teri judai mein kiye
jaise tufan mein koi chhoD de ghar sham ke baad
sham se pahle wo mast apni uDanon mein raha
jis ke hathon mein the TuTe hue par sham ke baad
raat biti to gine aable aur phir socha
kaun tha bais-e-aghaz-e-safar sham ke baad
tu hai suraj tujhe malum kahan raat ka dukh
tu kisi roz mere ghar mein utar sham ke baad
lauT aae na kisi roz wo aawara-mizaj
khol rakhte hain isi aas pe dar sham ke baad
- Book : Pakistani Adab (Pg. 632)
- Author : Dr. Rashid Amjad
- Publication : Pakistan Academy of Letters, Islambad, Pakistan (2009)
- Edition : 2009
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
