aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

raaz-e-dil dost ko suna baiThe

Qalaq Merathi

raaz-e-dil dost ko suna baiThe

Qalaq Merathi

MORE BYQalaq Merathi

    rāz-e-dil dost ko sunā baiThe

    muft meñ mudda.ī banā baiThe

    anjuman hai tirī tilism-e-rashk

    āshnā haiñ judā judā baiThe

    kasrat-e-sajda se pashemāñ haiñ

    ki tirā naqsh-e-pā miTā baiThe

    kal jo tāj-o-hasham ko chhoḌ uThe

    aaj vo tere dar pe aa baiThe

    hai āḳhir ko nāshtā-shiknī

    daaġh par daaġh ham to khā baiThe

    tarz-e-sāqī se dair ke sab log

    kar rahe haiñ ḳhudā ḳhudā baiThe

    shāḳh-e-gul nazākatoñ se Dare

    baar the musht-e-par uḌā baiThe

    shikva āshiq-kushī farz na thā

    yaad ye kyā unheñ dilā baiThe

    dard-e-sar thī duā mohabbat meñ

    haath ham jaan se uThā baiThe

    ai qayāmat uTh ke pūchh mizāj

    haiñ vo kuchh aap ḳhafā baiThe

    ro.e itne ki ḳhuuñ huī ummīd

    ḳhud jahāz apnā ham bahā baiThe

    be-takalluf maqām-e-ulfat hai

    daaġh uTThe ki aabla baiThe

    āsmāñ Dah paḌā uThe fitne

    jis jagah le ke mudda.ā baiThe

    rasm-e-tāzīm-e-ishq to dekho

    dard uTThā ki mirā baiThe

    ai 'qalaq' tum bad-dimāġh hai kaun

    charḳh zid pe ghar luTā baiThe

    raaz-e-dil dost ko suna baiThe

    muft mein muddai bana baiThe

    anjuman hai teri tilism-e-rashk

    aashna hain juda juda baiThe

    kasrat-e-sajda se pasheman hain

    ki tera naqsh-e-pa miTa baiThe

    kal jo taj-o-hasham ko chhoD uThe

    aaj wo tere dar pe aa baiThe

    ki hai aaKHir ko nashta-shikni

    dagh par dagh hum to kha baiThe

    tarz-e-saqi se dair ke sab log

    kar rahe hain KHuda KHuda baiThe

    shaKH-e-gul ki nazakaton se Dare

    bar the musht-e-par uDa baiThe

    shikwa aashiq-kushi ka farz na tha

    yaad ye kya unhen dila baiThe

    dard-e-sar thi dua mohabbat mein

    hath hum jaan se uTha baiThe

    ai qayamat tu uTh ke puchh mizaj

    hain wo kuchh aap hi KHafa baiThe

    roe itne ki KHun hui ummid

    KHud jahaz apna hum baha baiThe

    be-takalluf maqam-e-ulfat hai

    dagh uTThe ki aabla baiThe

    aasman Dah paDa uThe fitne

    jis jagah le ke muddaa baiThe

    rasm-e-tazim-e-ishq to dekho

    dard uTTha ki ji mera baiThe

    ai 'qalaq' tum sa bad-dimagh hai kaun

    charKH ki zid pe ghar luTa baiThe

    Source:

    Kulliyat-e-Qalaq (Pg. ebook-319 page-241)

    • Author: Qalaq Merathi
      • Edition: 1966
      • Publisher: Syed Imtiyaz Ali Taj, Majlis-e-Taraqqi-e-Adab, Lahore
      • Year of Publication: 1966
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now