rafta rafta KHatm qissa ho gaya hona hi tha
rafta rafta ḳhatm qissa ho gayā honā hī thā
vo bhī āḳhir mere jaisā ho gayā honā hī thā
dasht-e-imkāñ meñ ye merā mashġhala bhī ḳhuub hai
rauzan-e-dīvār chehrā ho gayā honā hī thā
Dūbtā sūraj tumhārī yaad vāpas kar gayā
shaam aa.ī zaḳhm taaza ho gayā honā hī thā
ahd-e-zabt-e-ġham pe qaa.im thā dam-e-ruḳhsat magar
vo sukūt-e-jāñ bhī dariyā ho gayā honā hī thā
ab tū hī ye fāsla tai kar sake to kar bhī le
maiñ to ḳhud apnā hī ziina ho gayā honā hī thā
maiñ ne bhī parchhā.iyoñ ke shahr kī phir raah lī
aur vo bhī apne ghar kā ho gayā honā hī thā
rafta rafta KHatm qissa ho gaya hona hi tha
wo bhi aaKHir mere jaisa ho gaya hona hi tha
dasht-e-imkan mein ye mera mashghala bhi KHub hai
rauzan-e-diwar chehra ho gaya hona hi tha
Dubta suraj tumhaari yaad wapas kar gaya
sham aai zaKHm taza ho gaya hona hi tha
ahd-e-zabt-e-gham pe qaim tha dam-e-ruKHsat magar
wo sukut-e-jaan bhi dariya ho gaya hona hi tha
ab tu hi ye fasla tai kar sake to kar bhi le
main to KHud apna hi zina ho gaya hona hi tha
main ne bhi parchhaiyon ke shahr ki phir rah li
aur wo bhi apne ghar ka ho gaya hona hi tha
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
