rafta rafta tarjumani dard ki

rafta rafta tarjumānī dard kī

shā.irī hai qadrdānī dard kī

zaḳhm-e-dil kā martaba shāhoñ sā hai

aur dil hai rājdhānī dard kī

ham se pūchho tum mazā taklīf kā

ham ne kī hai mezbānī dard kī

muskurāhaT bā-sabab hoñThoñ pe hai

ḳhush-numā ruḳh hai nishānī dard kī

zindagī meñ sab bhale ġhamgīn haiñ

hai alag sab kī kahānī dard kī

ġhamgusāroñ se kinārā kar liyā

dil ne āḳhir baat maanī dard kī

mar ga.e hote 'dinesh' us ke baġhair

jī rahe haiñ mehrbānī dard kī

rafta rafta tarjumani dard ki

shairi hai qadrdani dard ki

zaKHm-e-dil ka martaba shahon sa hai

aur dil hai rajdhani dard ki

hum se puchho tum maza taklif ka

hum ne ki hai mezbani dard ki

muskurahaT ba-sabab honThon pe hai

KHush-numa ruKH hai nishani dard ki

zindagi mein sab bhale ghamgin hain

hai alag sab ki kahani dard ki

ghamgusaron se kinara kar liya

dil ne aaKHir baat mani dard ki

mar gae hote 'dinesh' us ke baghair

ji rahe hain mehrbani dard ki