rah-e-junun mein kabhi kaamyab hum bhi the

rah-e-junūñ meñ kabhī kāmyāb ham bhī the

kabhī havāla-e-dasht-o-sarāb ham bhī the

tirī nigāh ne gauhar banā diyā varna

hisār-e-mauj meñ misl-e-habāb ham bhī the

junūñ ne ham ko bhī baḳhshī thī shān-e-dar-ba-darī

jahān-e-fikr meñ ḳhāna-ḳharāb ham bhī the

hamāre zarf ko rutboñ se tolne vaalo

isī dayār meñ izzat-ma.āb ham bhī the

añdhere ho ga.e mansūb ham se ab varna

is āsmāñ meñ kabhī āftāb ham bhī the

rah-e-junun mein kabhi kaamyab hum bhi the

kabhi hawala-e-dasht-o-sarab hum bhi the

teri nigah ne gauhar bana diya warna

hisar-e-mauj mein misl-e-habab hum bhi the

junun ne hum ko bhi baKHshi thi shan-e-dar-ba-dari

jahan-e-fikr mein KHana-KHarab hum bhi the

hamare zarf ko rutbon se tolne walo

isi dayar mein izzat-maab hum bhi the

andhere ho gae mansub hum se ab warna

is aasman mein kabhi aaftab hum bhi the