rah-e-ulfat mein yun to kaba-o-but-KHana aata hai

rah-e-ulfat meñ yuuñ to ka.aba-o-but-ḳhāna aatā hai

jabīñ jhuktī hai lekin jab dar-e-jānāna aatā hai

safar tai ho chukā shāyad dar-e-jānāna aatā hai

ki dil sū-e-jabīñ sajde ko be-tābāna aatā hai

tirī ummīd-e-vasl-e-hūr hai ik zohd par mabnī

magar vaa.iz mujhe har sheva-e-rindāna aatā hai

hañsī aa.e tujhe yā niiñd lekin aah mujh ko to

bas ai be-gāna-e-dard ek hī afsāna aatā hai

dil ujḌā jab to phir baaqī kahāñ duniyā meñ ābādī

nigāheñ jis taraf uTThīñ nazar vīrāna aatā hai

hamesha hasb-e-istedād hai faizān-e-qudrat bhī

bahār aa.ī chaman meñ dasht meñ dīvāna aatā hai

Thikānā phir ġham-e-duniyā ne paayā ba.ad muddat ke

ki apne hosh meñ phir 'mānī'-e-dīvāna aatā hai

rah-e-ulfat mein yun to kaba-o-but-KHana aata hai

jabin jhukti hai lekin jab dar-e-jaanana aata hai

safar tai ho chuka shayad dar-e-jaanana aata hai

ki dil su-e-jabin sajde ko be-tabana aata hai

teri ummid-e-wasl-e-hur hai ek zohd par mabni

magar waiz mujhe har shewa-e-rindana aata hai

hansi aae tujhe ya nind lekin aah mujh ko to

bas ai be-gana-e-dard ek hi afsana aata hai

dil ujDa jab to phir baqi kahan duniya mein aabaadi

nigahen jis taraf uTThin nazar virana aata hai

hamesha hasb-e-istedad hai faizan-e-qudrat bhi

bahaar aai chaman mein dasht mein diwana aata hai

Thikana phir gham-e-duniya ne paya baad muddat ke

ki apne hosh mein phir 'mani'-e-diwana aata hai