rah-e-wafa ke har ek pech-o-KHam ko jaan liya

rah-e-vafā ke har ik pech-o-ḳham ko jaan liyā

junūñ meñ dasht o bayābāñ tamām chhān liyā

har ik maqām se ham surḳh-rū guzar aa.e

qadam qadam pe mohabbat ne imtihān liyā

girāñ huī thī ġham-e-zindagī kī dhuup magar

kisī kī yaad ne ik shāmiyāna taan liyā

tumhīñ ko chāhā bahar-hāl aur tumhāre sivā

zamīn māñgī kisī se na āsmān liyā

ba-ehtiyāt chale rāh-e-zindagī phir bhī

jagah jagah hameñ gard-e-safar ne aan liyā

vo but bhī dushman-e-īmān-o-āgahī thā magar

use jo dekhā to ham ne ḳhudā ko maan liyā

rah-e-wafa ke har ek pech-o-KHam ko jaan liya

junun mein dasht o bayaban tamam chhan liya

har ek maqam se hum surKH-ru guzar aae

qadam qadam pe mohabbat ne imtihan liya

giran hui thi gham-e-zindagi ki dhup magar

kisi ki yaad ne ek shamiyana tan liya

tumhin ko chaha bahar-haal aur tumhaare siwa

zamin mangi kisi se na aasman liya

ba-ehtiyat chale rah-e-zindagi phir bhi

jagah jagah hamein gard-e-safar ne aan liya

wo but bhi dushman-e-iman-o-agahi tha magar

use jo dekha to hum ne KHuda ko man liya