rah-e-wafa mein unhin ki KHushi ki baat karo

rah-e-vafā meñ unhīñ kī ḳhushī kī baat karo

vo zindagī haiñ to phir zindagī kī baat karo

fuġhān-e-nīm-shabī ziist tak rahe qaa.em

hayāt soz-e-jigar hai isī kī baat karo

nizām-e-husn se vāqif ho phir vafā kaisī

unhīñ pe miT ke na.ī zindagī kī baat karo

zabān-e-qāl ko de kar sukūt kā paiġhām

zabān-e-hāl se paiham usī kī baat karo

karam hai un kā jo ho jaa.e 'vāsil'-e-jānāñ

vahāñ ḳhudī kī na kuchh be-ḳhudī kī baat karo

rah-e-wafa mein unhin ki KHushi ki baat karo

wo zindagi hain to phir zindagi ki baat karo

fughan-e-nim-shabi zist tak rahe qaem

hayat soz-e-jigar hai isi ki baat karo

nizam-e-husn se waqif ho phir wafa kaisi

unhin pe miT ke nai zindagi ki baat karo

zaban-e-qal ko de kar sukut ka paigham

zaban-e-haal se paiham usi ki baat karo

karam hai un ka jo ho jae 'wasil'-e-jaanan

wahan KHudi ki na kuchh be-KHudi ki baat karo