raha gar koi ta-qayamat salamat

rahā gar koī tā-qayāmat salāmat

phir ik roz marnā hai hazrat-salāmat

jigar ko mire ishq-e-ḳhūñ-nāba-mashrab

likhe hai ḳhudāvand-e-nemat salāmat

alarraġhm-e-dushamn shahīd-e-vafā huuñ

mubārak mubārak salāmat salāmat

nahīñ gar sar-o-barg-e-idrāk-e-ma.anī

tamāshā-e-nairañg-e-sūrat salāmat

do-ālam kī hastī pe ḳhatt-e-fanā khīñch

dil-o-dast-e-arbāb-e-himmat salāmat

nahīñ gar ba-kām-e-dil-e-ḳhasta gardūñ

jigar-ḳhāī-e-josh-e-hasrat salāmat

na auroñ kī suntā na kahtā huuñ apnī

sar-e-ḳhasta dushvār-e-vahshat salāmat

vafūr-e-balā hai hujūm-e-vafā hai

salāmat malāmat malāmat salāmat

na fikr-e-salāmat na bīm-e-malāmat

ze-ḳhud-raftagī-hā-e-hairat salāmat

rahe 'ġhālib'-e-ḳhasta maġhlūb-e-gardūñ

ye kyā be-niyāzī hai hazrat-salāmat

raha gar koi ta-qayamat salamat

phir ek roz marna hai hazrat-salamat

jigar ko mere ishq-e-KHun-naba-mashrab

likhe hai KHudawand-e-nemat salamat

alarraghm-e-dushamn shahid-e-wafa hun

mubarak mubarak salamat salamat

nahin gar sar-o-barg-e-idrak-e-mani

tamasha-e-nairang-e-surat salamat

do-alam ki hasti pe KHatt-e-fana khinch

dil-o-dast-e-arbab-e-himmat salamat

nahin gar ba-kaam-e-dil-e-KHasta gardun

jigar-KHai-e-josh-e-hasrat salamat

na auron ki sunta na kahta hun apni

sar-e-KHasta dushwar-e-wahshat salamat

wafur-e-bala hai hujum-e-wafa hai

salamat malamat malamat salamat

na fikr-e-salamat na bim-e-malamat

ze-KHud-raftagi-ha-e-hairat salamat

rahe 'ghaalib'-e-KHasta maghlub-e-gardun

ye kya be-niyazi hai hazrat-salamat