raha karte hain yun ushshaq teri yaad o hasrat mein

rahā karte haiñ yuuñ 'ushshāq terī yaad o hasrat meñ

base rahte haiñ jaise phuul apnī apnī nik.hat meñ

khichā husn-e-vafā ho kar jo ye tasvīr-e-vahdat meñ

ḳhudā kā nuur shāmil ho gayā insāñ kī sūrat meñ

nahīñ hai lazzat-e-duniyā o mā-fīhā jo qismat meñ

ḳhudā-ma.alūm hissa hai mirā kis ḳhvān-e-ne.amat meñ

safā.ī-ruḳh baḌhī aisī huā ā.īna hairat meñ

javānī meñ nazar aane lagā muñh us kī sūrat meñ

phalūñ phūlūñgā maiñ duniyā se jā kar bāġh-e-jannat meñ

azal se parvarish hotā huuñ maiñ gulzār-e-rahmat meñ

mahall-e-ishq meñ jo ḳhuun mushtāqoñ kā bahtā hai

huā kartī haiñ rañg-āmeziyāñ us kī 'imārat meñ

karo aisī adā.eñ ham se ham tasvīr ho jaa.eñ

raheñ ham aur tum ik jaañ do qālib ho ke ḳhalvat meñ

milī hai merī qismat se mujhe ne'mat tavakkul kī

jo marġhūb-e-ḳhudā haiñ vo maze haiñ us kī lazzat meñ

ḳhudā.ī vajd kartī hai jahāñ maiñ chachahātā huuñ

hazāroñ meñ huuñ ik bulbul tire gulzār-e-qudrat meñ

namāz-e-panjgāna meñ bhī har jā zikr usī kā hai

tashahhud meñ azaañ meñ sajde meñ niyyat meñ rak'at meñ

machal jaane pe us nā-fahm ke rahm us ko aayā hai

liyā hai mere tifl-e-ashk ko dāmān-e-rahmat meñ

dil-āzārī kā ham-sūrat se apne mashvara leñge

ilāhī ḳhair ā.īna talab hotā hai ḳhalvat meñ

mare par bhī 'sharaf' kī donoñ āñkheñ DabDabātī haiñ

ḳhudā jaane ki dam niklā hai un kā kis kī hasrat meñ

raha karte hain yun 'ushshaq teri yaad o hasrat mein

base rahte hain jaise phul apni apni nikhat mein

khicha husn-e-wafa ho kar jo ye taswir-e-wahdat mein

KHuda ka nur shamil ho gaya insan ki surat mein

nahin hai lazzat-e-duniya o ma-fiha jo qismat mein

KHuda-malum hissa hai mera kis KHwan-e-neamat mein

safai-ruKH baDhi aisi hua aaina hairat mein

jawani mein nazar aane laga munh us ki surat mein

phalun phulunga main duniya se ja kar bagh-e-jannat mein

azal se parwarish hota hun main gulzar-e-rahmat mein

mahall-e-ishq mein jo KHun mushtaqon ka bahta hai

hua karti hain rang-ameziyan us ki 'imarat mein

karo aisi adaen hum se hum taswir ho jaen

rahen hum aur tum ek jaan do qalib ho ke KHalwat mein

mili hai meri qismat se mujhe ne'mat tawakkul ki

jo marghub-e-KHuda hain wo maze hain us ki lazzat mein

KHudai wajd karti hai jahan main chachahata hun

hazaron mein hun ek bulbul tere gulzar-e-qudrat mein

namaz-e-panjgana mein bhi har ja zikr usi ka hai

tashahhud mein azan mein sajde mein niyyat mein rak'at mein

machal jaane pe us na-fahm ke rahm us ko aaya hai

liya hai mere tifl-e-ashk ko daman-e-rahmat mein

dil-azari ka ham-surat se apne mashwara lenge

ilahi KHair aaina talab hota hai KHalwat mein

mare par bhi 'sharaf' ki donon aankhen DabDabaati hain

KHuda jaane ki dam nikla hai un ka kis ki hasrat mein