rahbaro bolo majra kya hai
rahbaro bolo mājrā kyā hai
ye fasādoñ kā silsila kyā hai
sidq dil se agar na ho aabid
un duāoñ kā aasrā kyā hai
kuchh samajh meñ mirī nahīñ aatā
dil lagāne se fā.eda kyā hai
Thokareñ gardisheñ ġham-o-ālām
aur taqdīr meñ likhā kyā hai
jī to ye chāhtā hai mar jaa.eñ
zindagī ab tirī razā kyā hai
ishq īmān hai mirā nāseh
dil dukhāne se fā.eda kyā hai
aaj maġhmūm kyuuñ ho ai 'tābāñ'
kuchh to bolo ki mājrā kyā hai
rahbaro bolo majra kya hai
ye fasadon ka silsila kya hai
sidq dil se agar na ho aabid
un duaon ka aasra kya hai
kuchh samajh mein meri nahin aata
dil lagane se faeda kya hai
Thokaren gardishen gham-o-alam
aur taqdir mein likha kya hai
ji to ye chahta hai mar jaen
zindagi ab teri raza kya hai
ishq iman hai mera naseh
dil dukhane se faeda kya hai
aaj maghmum kyun ho ai 'taban'
kuchh to bolo ki majra kya hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
