rahe hamare liye shaghl yan koi na koi

rahe hamāre liye shaġhl yaañ koī na koī

dayā kare hameñ ġham āsmāñ koī na koī

ab is meñ hazrat-e-zāhid hoñ yā barahman ho

butoñ kī chūmtā hai āstāñ koī na koī

kabhī uThāte haiñ dil par kabhī jigar par daaġh

khulā hī rakhte haiñ ham bostāñ koī na koī

burā samajh mire a.amāl ko na ai vaa.iz

hai is matā.a kā bhī qadr-dāñ koī na koī

jo Dagmagā.e lahad par mirī to farmāyā

zarūr dafn hai betāb yaañ koī na koī

ab is meñ ho dil-e-betāb yā ho dīda-e-tar

karegā rāz-e-mohabbat ayaañ koī na koī

kabhī hai Tiis jigar meñ kabhī hai dil meñ dard

shab-e-firāq hai āzār-e-jāñ koī na koī

hamārī aatā sharar-bār ho ki nāla-e-gar

jalā.egā tujhe o āsmāñ koī na koī

vo ḳhud hī ā.eñge ab yā mujhe bulā.eñge

asar dikhā.egī āh-o-fuġhāñ koī na koī

'fahīm' vasl kā armāñ ho yā ki hijr kā ġham

hamāre dil meñ rahā mehmāñ koī na koī

rahe hamare liye shaghl yan koi na koi

daya kare hamein gham aasman koi na koi

ab is mein hazrat-e-zahid hon ya barahman ho

buton ki chumta hai aastan koi na koi

kabhi uThate hain dil par kabhi jigar par dagh

khula hi rakhte hain hum bostan koi na koi

bura samajh mere aamal ko na ai waiz

hai is mataa ka bhi qadr-dan koi na koi

jo Dagmagae lahad par meri to farmaya

zarur dafn hai betab yan koi na koi

ab is mein ho dil-e-betab ya ho dida-e-tar

karega raaz-e-mohabbat ayan koi na koi

kabhi hai Tis jigar mein kabhi hai dil mein dard

shab-e-firaq hai aazar-e-jaan koi na koi

hamari aata sharar-bar ho ki nala-e-gar

jalaega tujhe o aasman koi na koi

wo KHud hi aaenge ab ya mujhe bulaenge

asar dikhaegi aah-o-fughan koi na koi

'fahim' wasl ka arman ho ya ki hijr ka gham

hamare dil mein raha mehman koi na koi