rahmat ban ke utri thi kyon zahmat ban gai beTi
rahmat ban ke utri thi kyon zahmat ban gai beTi
Sameena Aslam Sameena
MORE BYSameena Aslam Sameena
rahmat ban ke utrī thī kyoñ zahmat ban ga.ī beTī
merā jurm-e-gunah batlā do pūchhtī rah ga.ī beTī
baḌhtī huī takrār jahez kī aur ġhurbat kā bojh
apne aap ko aag lagā ke phir ik mar ga.ī beTī
bāġhī nā-farmān banī aur kabhī kalañk kā Tiika
haq kī ḳhātir jab bhī kisī usuul pe aḌ ga.ī beTī
ye laḌkī kamzor sī laḌkī mariyam bhī hai zohra bhī
rābiya-basrī banī to phir valiyoñ se baḌh ga.ī beTī
rahmat ban ke utri thi kyon zahmat ban gai beTi
mera jurm-e-gunah batla do puchhti rah gai beTi
baDhti hui takrar jahez ki aur ghurbat ka bojh
apne aap ko aag laga ke phir ek mar gai beTi
baghi na-farman bani aur kabhi kalank ka Tika
haq ki KHatir jab bhi kisi usul pe aD gai beTi
ye laDki kamzor si laDki mariyam bhi hai zohra bhi
rabiya-basri bani to phir waliyon se baDh gai beTi
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
