rahmaton se ghar sajaane mah-e-ramzan aa gaya

rahmatoñ se ghar sajāne māh-e-ramzāñ aa gayā

sīdhe raste par chalāne māh-e-ramzāñ aa gayā

is kī raunaq aur bahāreñ dekhte haiñ chār-sū

bekalī aur dukh miTāne māh-e-ramzāñ aa gayā

roze kī barkat kā yaaro mājrā hī aur hai

ḳhair ke le kar ḳhazāne māh-e-ramzāñ aa gayā

gūñjtī haiñ har taraf qur.ān kī hī āyateñ

nekiyoñ meñ din bitāne māh-e-ramzāñ aa gayā

dil kī apnī sab murādeñ pyāre rab se maañg lo

khul ga.e rab ke ḳhazāne māh-e-ramzāñ aa gayā

masjideñ ābād haiñ phir mominoñ ke dam se yuuñ

rab ko apne phir manāne māh-e-ramzāñ aa gayā

dil 'shagufta' kā taḌap ke kah rahā hai aaj ye

ranj-o-ġham jī se bhulāne māh-e-ramzāñ aa gayā

rahmaton se ghar sajaane mah-e-ramzan aa gaya

sidhe raste par chalane mah-e-ramzan aa gaya

is ki raunaq aur bahaaren dekhte hain chaar-su

bekali aur dukh miTane mah-e-ramzan aa gaya

roze ki barkat ka yaro majra hi aur hai

KHair ke le kar KHazane mah-e-ramzan aa gaya

gunjti hain har taraf quran ki hi aayaten

nekiyon mein din bitane mah-e-ramzan aa gaya

dil ki apni sab muraden pyare rab se mang lo

khul gae rab ke KHazane mah-e-ramzan aa gaya

masjiden aabaad hain phir mominon ke dam se yun

rab ko apne phir manane mah-e-ramzan aa gaya

dil 'shagufta' ka taDap ke kah raha hai aaj ye

ranj-o-gham ji se bhulane mah-e-ramzan aa gaya