rahne de ye tanz ke nashtar ahl-e-junun bebak nahin

rahne de ye tanz ke nashtar ahl-e-junūñ bebāk nahīñ

kaun hai apne hosh meñ zālim kis kā garebāñ chaak nahīñ

jab thā zamāna dīvānoñ kā ab farzāne aa.e haiñ

jab sahrā meñ lāla-o-gul the ab gulshan meñ ḳhaak nahīñ

fitnoñ kī arzānī se ab ek ik taar ālūda hai

ham dekheñ kis kis ke dāman ek bhī dāman paak nahīñ

mauj-e-talātum ḳhair haiñ ham sāhil ke qarīb aate hī nahīñ

vaqt kī rau meñ bah jaa.eñ ham aise ḳhas-o-ḳhāshāk nahīñ

dard-o-karb se hashr bapā hoñToñ pe tabassum hai 'aḳhtar'

dil kā aalam kuchh bhī rahe āñkheñ to magar namnāk nahīñ

rahne de ye tanz ke nashtar ahl-e-junun bebak nahin

kaun hai apne hosh mein zalim kis ka gareban chaak nahin

jab tha zamana diwanon ka ab farzane aae hain

jab sahra mein lala-o-gul the ab gulshan mein KHak nahin

fitnon ki arzani se ab ek ek tar aaluda hai

hum dekhen kis kis ke daman ek bhi daman pak nahin

mauj-e-talatum KHair hain hum sahil ke qarib aate hi nahin

waqt ki rau mein bah jaen hum aise KHas-o-KHashak nahin

dard-o-karb se hashr bapa honTon pe tabassum hai 'aKHtar'

dil ka aalam kuchh bhi rahe aankhen to magar namnak nahin