rahne walon ko tere kuche ke ye kya ho gaya

rahne vāloñ ko tire kūche ke ye kyā ho gayā

mere aate hī yahāñ hañgāma barpā ho gayā

terā aanā thā tasavvur meñ tamāshā sham.a-rū

mere dil par raat parvānoñ kā balvā ho gayā

zabt kartā huuñ vale is par bhī hai ye josh-e-ashk

gir paḌā jo aañkh se qatra vo dariyā ho gayā

is qadar maanā burā maiñ ne adū kā sun ke naam

āḳhir us kī aisī bātoñ kā tamāshā ho gayā

kyā ġhazab hai iltijā par maut bhī aatī nahīñ

talḳh-kāmī par hamārī zahr mīThā ho gayā

dekh yuuñ ḳhāna-ḳharābī ġhair vaañ qābiz huā

jis ke ghar ko ham ye samjhe the ki apnā ho gayā

rahne walon ko tere kuche ke ye kya ho gaya

mere aate hi yahan hangama barpa ho gaya

tera aana tha tasawwur mein tamasha shama-ru

mere dil par raat parwanon ka balwa ho gaya

zabt karta hun wale is par bhi hai ye josh-e-ashk

gir paDa jo aankh se qatra wo dariya ho gaya

is qadar mana bura main ne adu ka sun ke nam

aaKHir us ki aisi baaton ka tamasha ho gaya

kya ghazab hai iltija par maut bhi aati nahin

talKH-kaami par hamari zahr miTha ho gaya

dekh yun KHana-KHarabi ghair wan qabiz hua

jis ke ghar ko hum ye samjhe the ki apna ho gaya