rahta hai itna paon ke til ka asar sawar

rahtā hai itnā paaoñ ke til kā asar savār

sar par hai ghar pahuñchte hī aglā safar savār

maiñ chīḳhtā rahā ki nahīñ ḳhat ye mere naam

lekin havā ke ghoḌe pe thā nāma-bar savār

miltā nahīñ hai dasht-navardī meñ ab vo lutf

rahne lagā hai zehn pe ghar is qadar savār

kis chiiz kī na-jāne zarūrat kahāñ paḌe

kar luuñ na apne saath savārī meñ ghar savār

rākib ko ek baar girā de jo raḳhsh-e-umr

mumkin nahīñ vo is pe ho bār-e-digar savār

ye ishq kā nasha to utartā nahīñ kabhī

'bāsir' yūñhī rahegā ye a.asāb par savār

rahta hai itna paon ke til ka asar sawar

sar par hai ghar pahunchte hi agla safar sawar

main chiKHta raha ki nahin KHat ye mere nam

lekin hawa ke ghoDe pe tha nama-bar sawar

milta nahin hai dasht-nawardi mein ab wo lutf

rahne laga hai zehn pe ghar is qadar sawar

kis chiz ki na-jaane zarurat kahan paDe

kar lun na apne sath sawari mein ghar sawar

rakib ko ek bar gira de jo raKHsh-e-umr

mumkin nahin wo is pe ho bar-e-digar sawar

ye ishq ka nasha to utarta nahin kabhi

'basir' yunhi rahega ye aasab par sawar