rahti hai saba jaise KHushbu ke taaqub mein
rahtī hai sabā jaise ḳhushbū ke ta.āqub meñ
kuchh yuuñ hī zamāna hai urdu ke ta.āqub meñ
lauTe nahīñ ab tak vo barsoñ hue nikle the
pāzeb kī chāhat meñ ghuñgrū ke ta.āqub meñ
ik jaadū kī Dibiyā hai jo un kā khilaunā hai
bachche nahīñ rahte ab jugnū ke ta.āqub meñ
ma.asūm sī āñkhoñ se ik buuñd hī Tapkī thī
bādal umaD aa.e haiñ aañsū ke ta.āqub meñ
naqqāloñ ke pīchhe kyuuñ phirte ho hunar vaalo
dekhā hai kyā sāgar ko sarjū ke ta.āqub meñ
afkār ke phūloñ kī vaadī hai hadaf 'ārif'
har shā.ir-e-urdu hai ḳhushbū ke ta.āqub meñ
rahti hai saba jaise KHushbu ke taaqub mein
kuchh yun hi zamana hai urdu ke taaqub mein
lauTe nahin ab tak wo barson hue nikle the
pazeb ki chahat mein ghungru ke taaqub mein
ek jadu ki Dibiya hai jo un ka khilauna hai
bachche nahin rahte ab jugnu ke taaqub mein
masum si aankhon se ek bund hi Tapki thi
baadal umaD aae hain aansu ke taaqub mein
naqqalon ke pichhe kyun phirte ho hunar walo
dekha hai kya sagar ko sarju ke taaqub mein
afkar ke phulon ki wadi hai hadaf 'arif'
har shair-e-urdu hai KHushbu ke taaqub mein
- Book : Khushboo Ke Ta'aqub main (Pg. 40)
- Author : Dr. Arif Ansari
- Publication : Faazli Urdu Society,Burhanpur (2015)
- Edition : 2015
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
