rais hum jo su-e-kucha-e-habib chale

'ra.īs' ham jo sū-e-kūcha-e-habīb chale

hamāre saath hazāroñ balā-nasīb chale

rafāqatoñ kī sa.ādat liye rafīq aa.e

raqābatoñ kī nahūsat liye raqīb chale

jo qāfile ki hamārī talab meñ nikle the

kabhī ba.iid se guzre kabhī qarīb chale

aqab meñ hādisa-e-sub.h-o-shām ke ifrīt

jilau meñ gardish-e-ayyām ke naqīb chale

jahāñ ko jin ke nasībe pe rashk aatā thā

nikal ke apne gharoñ se vo bad-nasīb chale

ye chal-chalāv ajīb-o-ġharīb thā ai dost

ġharīb log sū-e-ālam-e-ajīb chale

'rais' hum jo su-e-kucha-e-habib chale

hamare sath hazaron bala-nasib chale

rafaqaton ki saadat liye rafiq aae

raqabaton ki nahusat liye raqib chale

jo qafile ki hamari talab mein nikle the

kabhi baid se guzre kabhi qarib chale

aqab mein hadisa-e-subh-o-sham ke ifrit

jilau mein gardish-e-ayyam ke naqib chale

jahan ko jin ke nasibe pe rashk aata tha

nikal ke apne gharon se wo bad-nasib chale

ye chal-chalaw ajib-o-gharib tha ai dost

gharib log su-e-alam-e-ajib chale