rakhe koi is tarah ke lalchi ko kab talak bahla
rakhe koi is tarah ke lalchi ko kab talak bahla
Abroo Shah Mubarak
MORE BYAbroo Shah Mubarak
rakhe koī is tarah ke lālchī ko kab talak bahlā
chalī jaatī hai farmā.ish kabhī ye lā kabhī vo lā
mujhe in kohna aflākoñ meñ rahnā ḳhush nahīñ aatā
banāyā apne dil kā ham niiñ aur hī ek nau-mahlā
rahī hai sar navā sanmukh ga.ī hai bhuul mansūba
tirī añkhiyoñ niiñ shāyad maat kī hai nargis-e-shahlā
kiyā thā ġhair niiñ ham-rañg ho kar vasl kā saudā
tumhārā dekh mukh kā āftāb us kā to dil dahlā
kaf-e-pā yaar kā hai phuul kī pankhuḌī se nāzuk-tar
mirā dil narm-tar hai us ke hote us se mat sahlā
javāboñ meñ ġhazal ke 'ābrū' kyuuñ kahl kartā hai
tū ik adnā tavajjoh biich kah letā hai mat kahlā
rakhe koi is tarah ke lalchi ko kab talak bahla
chali jati hai farmaish kabhi ye la kabhi wo la
mujhe in kohna aflakon mein rahna KHush nahin aata
banaya apne dil ka hum nin aur hi ek nau-mahla
rahi hai sar nawa sanmukh gai hai bhul mansuba
teri ankhiyon nin shayad mat ki hai nargis-e-shahla
kiya tha ghair nin ham-rang ho kar wasl ka sauda
tumhaara dekh mukh ka aaftab us ka to dil dahla
kaf-e-pa yar ka hai phul ki pankhuDi se nazuk-tar
mera dil narm-tar hai us ke hote us se mat sahla
jawabon mein ghazal ke 'abru' kyun kahl karta hai
tu ek adna tawajjoh bich kah leta hai mat kahla
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
